Hljóðfæri
Ég leik á fiðlu sem hinn þekkti franski fiðlu- og bogasmiður Christophe Landon hefur smíðað.
    Landon býr í New York en ferðast víða um heim og meðal viðskiptavina hans eru meðlimir New York Fílharmoníunnar og Berlínarfílharmoníunnar.
    Christophe er Íslendingum að góðu kunnur því hann hefur oft komið hingað til lands og gert við fiðlur og boga íslenskra hljóðfæraleikara. Þá hefur hann haft aðstöðu til þess í listasafni föður míns Sigurjóns Ólafssonar að Laugarnestanga 70.
    Á Íslandi eru nú fimm fiðlur og tvö selló sem Christophe hefur smíðað.
   


Isaac Salchow bogasmiður sér um að halda við fiðlubogum fyrir mig. Hann er þriðji ættliður mjög þekktrar bogasmiðsfjölskyldu í New York borg og nýtur mikillar virðingar.
    Hann er Íslandsvinur góður, hefur oft komið hingað til að gera við og hára fiðluboga fyrir íslenska hljóðfæraleikara. Þá hefur hann ýmist haft verkstæði sitt á heimili mínu eða í Listasafni Sigurjóns á Laugarnesi.
    Sumarið 2008 kvæntist hann Juliu MacLaine sellóleikara, en með henni hef ég leikið bæði hérlendis og í Bandaríkjunum. Á sumartónleikum Listasafns Sigurjóns 2007 frumfluttum við tónverkið Gríma eftir Jónas Tómasson.

Nokkrar ljósmyndir af Isaac og Christophe frá heimsókn þeirra til Íslands í febrúar 2005
Þegar hljóðfærasmiðirnir eru hérlendis má ná í þá í íslenska farsímann 865 5465